Pangangalaga at Pag-iwas sa HIV

Kami ay bahagi ng Dibisyon sa HIV, mga Nakakahawang Sakit, at Global na Medisina. Magkakasama kaming nagpapatakbo kasama ang UCSF. Kami ang kinikilala sa buong mundo na lider na kilala sa klinikal na pangangalaga, pananaliksik, at edukasyon tungkol sa HIV. Kabilang sa aming pamamaraan ang pinagsamang pangunahin at may espesyalidad na pangangalaga para sa mga pasyente na namumuhay na may HIV at sa mga nanganganib na makakuha ng HIV. Kabilang din dito ang mga serbisyong panlipunan at pamamahala ng kaso.

Ginagamot namin hindi lamang ang sakit ngunit pati na rin ang indibidwal. Ginagamot namin ang HIV at iniiwasan ito. Ang aming modelo ng pangangalaga ay ginagamit sa buong mundo. Kilala ito bilang modelo ng pangangalaga sa HIV/AIDS sa San Francisco.

Ang Getting to Zero San Francisco ay isang grupo ng 300+ indibidwal na miyembro at tagapagtaguyod ng komunidad, organisasyong nakabase sa komunidad, institusyong pang-edukasyon, katuwang sa industriya, ahensya ng pamahalaan, at provider – pampubliko at pribado – mula sa iba’t ibang disiplina na nagtutulungan upang maisakatuparan ang bisyon upang gawing unang hurisdiksyon ang Lungsod at County ng San Francisco na walang bagong impeksyong HIV, walang estigma ng HIV, at walang kamatayang nauugnay sa HIV.

Kasamang Itinatag noong 2014 ni:

• Dr. Diane Havlir, Pinuno ng Division of HIV, Infectious Diseases and Global Medicine ZSFG/UCSF
• Dr. Susan Buchbinder, Direktor ng Bridge HIV sa San Francisco Department of Health
• Neil Giuliano (San Francisco AIDS Foundation)
• Dana Van Gorder (Project Inform)
• Jeff Sheehy (UCSF AIDS Research Institute)
• Scott Wiener (Senador ng Estado ng California)

Ang mga layunin sa kabuuan ay upang:

• Pagbutihin ang kalusugan para sa mga indibidwal na nanganganib o nabubuhay na may HIV/AIDS sa San Francisco
• Bumuo at magpatupad ng mga makabagong programa na may priyoridad na inilalagay sa ekidad at ipamalas ang epekto na may mga masusukat na layunin
• Kumuha ng pagpopondo mula sa iba’t ibang sektor at suportahan ang mga kasalukuyan at bagong programa
• Makipagpalitan ng pinakamahuhusay na gawain sa ibang mga lungsod

Ang panandaliang layunin ay upang mabawasan ang mga bagong pagkahawa ng HIV at pagkamatay na nauugnay sa HIV ng 90% hanggang 2025.

Ang Getting to Zero San Francisco ay may tatlong anggulong pamamaraan:

1. Iwasan ang impeksyon sa pagpapalawak ng pre-exposure prophylaxis (PrEP) sa San Francisco
2. Ihatid ng antiretroviral therapy nang mabilis hangga’t maaari sa mga bagong na-diagnose na pasyenteng nagkaroon ng impeksyong HIV at mga wala na sa pangangalaga
3. Panatilihing nasa pangangalaga ang mga pasyente upang mapahaba ang kalusugan, kagalingan, at buhay

Ang istratehiyang Getting to Zero San Francisco para sa 2021-2025:

• Maghatid ng mababang hadlang na mga serbisyo ng pag-iwas sa HIV, paggamot at pangkalahatang serbisyo sa mga taong nakakaranas ng kawalan ng tirahan
• Tugunan ang kalusugan ng pag-iisip ng mga tumatandang taga-San Francisco na may HIV, kabilang ang mga matagal nang nakaligtas dito
• Ipatupad ang pambuong-lungsod na DoxyPEP upang mapaigting ang pagbawas sa pangkabuuang mga bakteryal na STI.
• Pakilusin at itaguyod ang nakabatay sa ebidensya na mga serbisyo ng pag-iwas na ma-overdose, kabilang ang mga lugar para sa ligtas na pagkonsumo, upang mabawasan ag mga impeksyon ng HIV at hepatitis at pagkamatay na dulot ng overdose.

Ang Getting to Zero San Francisco Consortium ay nakatuon sa pagbuwag ng rasismo at mga institusyonal na pagkiling sa mga sistema at gawain at muling pagtingin sa modelo ng pag-iwas at pangangalaga sa HIV na sumusuporta sa lahat ng taga-San Francisco.