Operasyon sa palate para sa Obstructive Sleep Apnea

Ano ang Operasyon sa Palate?

May ilang iba’t ibang opsyon para sa paggamot sa bahahing ito. Uvulopalatopharyngoplasty,  na nag-aalis sa tonsils, nagbabawas sa palate para tumaas ang arch nito, at nagbabawas o nag-aalis sa uvula. Expansion Pharyngoplasty, na nag-aalis sa tonsils at gumagamit ng mga tahi para mailipat ang kalamnan na nasa bandang gilid ng palate at lalamunan, na tinatawag na  palatopharyngeus muscle, para maiusog ang palate nang paharap at palabas. Lateral Pharyngoplasty, kung saan ginagalaw ang mga kalamnan sa itaas ng bibig para bumuka ang paligid ng likod ng lalamunan. Tatalakayin ng iyong surgeon ang mismong operasyong pinaplano para sa iyo.

Kailan ito inirerekomenda?

Inirerekomendang magpaopera ang mga taong may obstructive sleep apnea (OSA) na dulot ng sobrang tissue sa likod ng lalamunan, lalo na kapag hindi umeepekto o mabisa ang mga konserbatibong paggamot gaya ng mga pagbabago sa paraan ng pamumuhay at therapy sa pamamagitan ng tuluy-tuloy na positibong air pressure (continuous positive airway pressure, CPAP). Ang operasyon ay para sa mga pasyenteng dahil sa labis na soft palate tissue ang blockage kapag natutulog.

Ano ang dapat kong asahan sa procedure na ito?

Papatulugin ka sa panahon ng procedure sa pamamagitan ng general anesthesia. Posibleng kailanganin mong magdamag na manatili sa ospital para sa obserbasyon.

Ano ang mga panganib?

Ang pinakamalaking panganib ay pagdurugo pagkatapos ng operasyon na puwedeng mangyari kaagad o isang linggo pagkatapos ng operasyon. Kung minsan, kailangan ulit ng operasyon para makontrol ang pagdurugo. Puwedeng mahirapan sa paglunok, pero bihira lang ito. Puwedeng magbago ang boses pagkatapos ng operasyon dahil binabago ang istruktura ng lalamunan. Kasama sa iba pang bihirang kumplikasyon ang pagkakaroon ng peklat, impeksyon, pinsala sa mga ngipin, kumplikasyong dulot ng anesthesia, pamamanhid ng lalamunan, o pagbabago ng panlasa.

Ano ang dapat kong asahan pagkatapos ng operasyon?

Asahang labis na mamamaga ang iyong lalamunan pagkatapos ng operasyon. Kadalasan ay tumitindi ang pananakit pagkalipas ng 48 oras at tumatagal ito nang ilang araw. Puwedeng magkaroon ng pananakit sa tainga pagkatapos ng operasyon sa palate dahil sa pananakit sa lalamunan. Puwedeng mahirapan kang lumunok sa umpisa.  Kung minsan, puwedeng may lumabas na pagkain sa iyong ilong, pero panandalian lang at mawawala din ito. Puwedeng magkaroon ng masamang amoy mula sa bibig o ilong sa loob ng 7-10 araw sa panahon ng pagpapagaling, at magkaroon ng puting patch sa dating lokasyon ng iyong tonsils. Ito ang normal na fibrin (scab) sa bahagi.