Parathyroidectomy

Ano ang parathyroidectomy?

Isa itong procedure kung saan inaalis ang isa o higit pang parathyroid gland. Makikita ang mga ito sa likod ng thyroid gland sa leeg. Kung minsan, tinitingnan din ng doktor ang lahat ng parathyroid gland para matiyak na hindi kailangang alisin din ang mga ito.

Kailan inirerekomenda ang parathyroidectomy?

Kadalasan, titingnan ka ng isang endocrinologist para malaman kung masyadong aktibo ang iyong mga parathyroid gland at kung kailangan mong magpaopera. Nagdudulot ito ng maraming calcium na puwedeng magresulta sa mga mapang-abala at mapanganib na sintomas. Ang paggamot ay para alisin ang ilan sa o ang karamihan ng mga parathyroid gland. Inaalis din ang mga gland kapag may cancer sa mga ito.

Ano ang dapat kong asahan sa procedure na ito?

Papatulugin ka sa panahon ng procedure. Gagawa ang surgeon ng maliit na incision sa harap ng iyong leeg para ma-access ang mga parathyroid gland. Kadalasan, hindi kailangan ng drain pero puwedeng gumamit nito kung kailangang tasahin at/o alisin ang iba pang istruktura sa iyong leeg para sa kaligtasan mo. Aalisin ang drain pagkalipas ng ilang araw.

Ano ang mga panganib?

Kasama sa mga puwedeng maging resulta ang pamamaos na puwedeng pansamantala lang o permanente, pagkaunti ng calcium, pangangailangan ng calcium at thyroid hormone replacement, pag-aalis ng thyroid tissue, at pagkakaroon ng peklat. Kung minsan, puwedeng magkaroon ng pagdurugo at hematoma (naipong dugo sa leeg) at posibleng kailanganin mong magpaopera para ma-drain ito.

Ano ang dapat kong asahan pagkatapos ng operasyon?

Puwede nang umuwi ang karamihan ng mga pasyente pagkatapos ng operasyon pero depende sa iyong edad, kalusugan, at operasyon, puwedeng kailanganin mo hindi mo kailanganin na magdamag na manatili sa ospital. Kadalasan, maglalagay ng maliit na dressing sa ibabaw ng inoperahang bahagi na isinara sa pamamagitan ng tahi. Makakabalik ka sa trabaho sa loob ng 1-2 linggo. Kadalasan, mabilis lang gumaling mula sa operasyon at kaunti lang ang pananakit. Ang pinakakaraniwang reklamo pagkatapos ng operasyon ay pagkahapo, pananakit ng lalamunan, at pangkalahatang pamamaga, na karaniwang nawawala sa loob ng isa o dalawang linggo.