Endoscopy Habang Natutulog

Ano ang endoscopy habang natutulog?

Ang endoscopy habang natutulog ay ginagamit para makita ang paggalaw ng iyong mga daanan ng hangin habang natutulog ka. Bibigyan ka ng anesthesia team ng gamot na pampatulog at magpapasok ang surgeon ng maliit na flexible na camera (o “scope”) sa iyong ilong papunta sa iyong lalamunan para suriin ang likod ng iyong ilong, lalamunan, at itaas na daanan ng hangin.

Kailan inirerekomenda ang procedure na ito?

Puwede itong irekomenda ng iyong doktor kung nakakaranas ka ng mga sintomas ng obstructive sleep apnea (OSA). Ang OSA ay isang kundisyong puwedeng makaabala sa kalidad ng pagtulog pero puwede ring magdulot ng iba pang malalang problema sa kalusugan. Sa procedure na ito, magagawa ng iyong surgeon na suriin ang anumang karagdagang procedure o pamamagitan na makakatulong sa pagkontrol ng iyong mga sintomas.

Ano ang dapat kong asahan sa procedure na ito?

Makakatanggap ka ng anesthesia na magpapatulog sa iyo. Pagkatapos, gigising ka sa lugar para sa pagpapagaling.  Normal na antukin sa natitirang bahagi ng araw at maraming tao ang nagkakaroon ng pananakit ng lalamunan isang araw pagkatapos ng procedure.

Ano ang mga panganib sa procedure?

Napakaligtas ng procedure na ito. Puwedeng bahagyang magdugo ang ilong ng mga pasyente dahil sa isang pinsala mula sa flexible na scope, pero bihira lang ito.

Ano ang dapat kong asahan pagkatapos ng procedure?

Puwede kang umuwi sa parehong araw. Nakakaramdam ng kaunting pananakit ang karamihan ng mga pasyente, at puwede nang bumalik sa mga normal na aktibidad (trabaho/paaralan/atbp) sa susunod na araw