Direct Laryngoscopy

Ano ang Direct Laryngoscopy?

Isa itong procedure para matingnan o “masuri” ang larynx (voice box) at ang iba pang istruktura sa itaas na daanan ng hangin.

Kailan inirerekomendang magpaopera?

Bagama’t puwede naming gamitin ang flexible na scope para suriin ang iyong lalamunan at itaas na daanan ng hangin sa klinika, ang pinakamahusay na paraan para ganap na masuri ang anatomy ay habang natutulog ka sa panahon ng procedure na ito. Bukod pa rito, puwede kaming kumuha ng mga biopsy o mag-alis ng mga lesion sa mga vocal cord o lalamunan mo kung mayroon kang mga sintomas.

Ano ang dapat kong asahan sa operasyon?

Makakatanggap ka ng anesthesia na magpapatuloy sa iyo. Gagamit ng equipment para masuri ang iyong bibig at ang likod ng lalamunan at mga vocal cord mo. Kung minsan, kumukuha kami ng maliit na sample ng tissue mula sa nasabing bahagi para ipadala para sa pathological na pagsusuri.

Ano ang mga panganib?

Napakaligtas ng procedure na ito. Kung magsasagawa ng biopsy, puwedeng bahagyang magbago ang iyong boses, at magkaroon ng kaunting pagdurugo.  Dahil dumaraan ang equipment sa bibig, may posibilidad na mapinsala ang iyong mga ngipin, bibig, at lalamunan, pero bihira lang ito.

Ano ang dapat kong asahan pagkatapos ng operasyon?

Puwede kang umuwi sa parehong araw. Sumasakit ang lalamunan ng karamihan ng mga pasyente, habang wala namang nararamdaman ang iba. Kung may aalising anumang biopsy o lesion, puwedeng magkaroon ng kaunting dugo sa iyong laway. Puwede nang bumalik ang karamihan ng mga pasyente sa kanilang regular na diyeta at mga routine na aktibidad pagkalipas ng ilang araw.