Kung nakakaranas ka ng mga sintomas, agad na magpasuri. Kung nagkaroon ka ng kilalang pagkahantad, aabutin ng hindi bababa sa dalawang araw o higit pa para matuklasan ang virus. Magpasuri ng 3 hanggang 5 araw pagkatapos mong mahantad. Mayroong pagsusuri sa iba’t ibang lokasyon sa San Francisco.
Impormasyon Tungkol sa COVID-19
Nagsusumikap kaming magkaloob ng pinakamahusay na posibleng pangangalaga sa panahon ng pandemyang COVID-19. Ginagawa namin ang mga kinakailangang pag-iingat upang mapanatili kang ligtas at ang aming mga tagapagkaloob ng pangangalaga.
Nais naming manatili kang malusog at mabuti ang kalagayan.
Manatiling naka-update sa pinakabagong impormasyon tungkol sa COVID-19.
Mga Bakuna
Upang mabawasan ang pagkalat ng COVID-19 at ang mga epekto nito sa kalusugan at lipunan, ang ligtas at mabisang bakuna ang pinakamahalagang interbensyon upang mapanatili ka at ang iyong pamilya na malusog at ligtas.
Mayroo na ngayong mga librang bakuna at bivalent na booster sa lahat na nasa edad na anim na buwan at mas matanda pa.
Mga Bakuna para sa COVID-19 para sa mga batang nasa edad na anim na buwan at 11 taong gulang:
Ang mga magulang at tagapag-alaga ay maaaring magpa-appointment gamit ang mga tagubilin sa kanilang sistemang pangkalusugan, o website ng parmasya.
Kabilang sa iba pang mga mapagkukunan para sa mga appointment para sa bakuna ang website ng estado para sa pagpapa-appointment para sa bakuna, ang myturn.ca.gov at ang website ng Lungsod, sf.gov/getvaccinated.
Pagsusuri para sa COVID-19
Mga posibleng sintomas ng COVID-19
Naaapektuhan ng COVID-19 ang iba't ibang tao sa iba't ibang paraan. Ang mga taong naapektuhan ay mayroong iba't ibang inuulat na sintomas – mula sa mga banayad na sintomas hanggang sa malubhang sakit. Ang mga sintomas ay maaaring lumabas ng 2-10 araw pagkatapos mahantad sa virus. Ang mga taong may mga ganitong sintomas ay maaaring mayroong COVID-19:
- Lagnat o panginginig
- Ubo
- Pangangapos ng hininga o kahirapang huminga
- Pagkapagod
- Pananakit ng kalamnan o katawan
- Pananakit ng ulo
- Bagong pagkawala ng panlasa o pang-amoy
- Pananakit ng lalamunan
- Barado ang ilong o sinisipon
- Pagkaalibadbad o pagsusuka
- Pagtatae
Mga Pang-emerhensyang Palatandaang Babala
Tingnan ang mga palatandaang babala sa emerhensya para sa COVID-19. Kung ikaw o ang isang indibidwal ay nagpapakita ng alinman sa mga palatandaang ito, agad na humingi ng pang-emerhensyang medikal na pangangalaga:
- Kahirapang huminga
- Hindi mawala-walang pananakit o presyon sa dibdib
- Bagong pagkalito
- Kawalan ng kakayahang gumising o manatiling gising
- Nangangasul na mga labi o mukha
Ang Gagawin Kung Ikaw ay May Sakit
Kung nasurian kang positibo sa COVID-19, may mga hakbang kang magagawa upang maiwasan ang mahawaan ang iba, kabilang ang pagbubukod ng sarili sa bahay at paglilimita ng pakikisalamuha sa iba.
Mga Patnubay sa Pagbisita
Pagbisita sa ZSFG
Ang aming team ay gumagawa ng mga partikular na pag-iingat upang mapanatili ka at ang iyong mahal sa buhay na ligtas habang nasa ZSFG. Naglagay kami ng mga restriksyon na itinakda para sa mga bisita. Ang mga restriksyong ito ay maaaring magbago habang nagbabago ang katayuan ng COVID-19 sa ating komunidad. Naaangkop din ang mga patnubay sa mga tauhan ng DPH at tagapagpatupad ng batas.