Mga Serbisyo ng Outpatient na May Espesyalidad na Parmasya

Ang may espesyalidad na gamot ay mas kumplikado kaysa sa regular na gamot na kinukuha mo sa isang retail na parmasya. Maaaring mas kumplikado itong inumin o ibigay. Maaaring mangailangan ito ng espesyal na pag-iimbak at pangangasiwa. Maaaring hindi ito naka-stock sa retail na parmasya. Ang mga may espesyalidad na gamot ay karaniwang mamahalin at ginagamot ang mga kumplikadong kondisyon tulad ng psoriatic arthritis o systemic lupus erythematosus.

Kami ang pinalawak na serbisyo ng outpatient na parmasya ng ZSFG. Nagkakaloob kami ng may espesyalidad na pangangalaga para sa ilang kumplikadong gamot. Ang aming mga dedikadong tauhan ng May Espesyalidad na Parmasya ay naghahandog ng iba’t ibang karagdagang serbisyo upang suportahan ang iyong ligtas na paggamit ng mga may espesyalidad na gamot. Kabilang sa mga ito ang mga tawag na paalala sa refill at follow-up sa gamot, pagsasanay sa iniksyon, at libreng paghahatid ng mga gamot sa loob ng San Francisco. Direkta rin kaming nakikipag-usap sa pamamagitan ng mga medikal na rekord sa iyong mga provider sa ZSFG upang mapahusay ang iyong pag-access sa mga may espesyalidad na gamot.

Nakakontrata kami sa karamihan sa mga insurance sa San Francisco Bay Area. Kung ang iyong insurance ay nag-aatas ng paggamit ng partikular na parmasya, ililipat namin doon ang reseta at makikipag-ugnayan sila sa iyo.

Upang humiling ng refill gamit ang numero ng reseta, tumawag sa 628-206-8107 sa anumang oras.

Upang direktang humiling ng refil mula sa mga tauhan ng May Espesyalidad na Parmasya, tumawag sa 628-206-6815, Lunes – Biyernes 8:00am – 4:30pm

Ang outpatient na parmasya ng ZSFG ay maaaring magbigay sa iyo ng libreng sharps container (lalagyan ng matutulis na bagay). Kapag puno na, maaari mong ibalik ang nakasarang sharps container (lalagyan ng matutulis na bagay) sa outpatient na parmasya ng ZSFG at bibigyan ka namin ng bagong lalagyan na walang laman na maiuuwi mo.