Tympanomastoidectomy

Ano ang tympanomastoidectomy?

Ang tympanomastoidectomy (“tim-PAN-oh-mas-toyd-ECK-tuh-mee”) ay isang operasyong nag-a-access ng sakit sa pamamagitan ng paghiwa sa likod ng iyong tainga.

Kailan inirerekomendang magpaopera?

May ilang dahilan para irekomenda ng iyong doktor ang operasyong ito.  Kasama sa mga ito ang:

• Impeksyon
• Pag-repair sa mga buto para sa pandinig o eardrum
• Para alisin ang balat na na-trap sa loob ng iyong tainga (cholesteatoma).

Ano ang dapat kong asahan sa operasyon?

Madalas ay malalim ang tulog mo sa panahon ng operasyon.  Gagawin ng doktor ang operasyon sa pamamagitan ng paghiwa sa likod ng iyong tainga, at aalisin niya ang abnormal o naimpeksyong tissue sa mabutong bahagi sa likod ng tainga. Tinatawag na mastoid ang bahaging ito. Ire-repair ng doktor ang eardrum kung kinakailangan. Puwede ring i-repair ng doktor ang tatlong maliit na buto sa gitnang tainga para makatulong sa pandinig. Kapag natapos na ng doktor ang operasyon, isasara ang hiwa sa pamamagitan ng pagtahi.

Ano ang mga panganib?

Tulad sa lahat ng operasyon sa tainga, may mga kaakibat na panganib: Hindi pagsasara ng butas sa eardrum, Hindi paglinaw ng pandinig, Ganap o hindi ganap na pagkawala ng pandinig (1 hanggang 5 sa 100), Pinsala sa nerve na kumokontrol sa paggalaw ng iyong mukha (1 sa 100), Mga pagbabago sa panlasa, Pagkakaroon ng cholesteatoma (na-trap na balat sa loob ng tainga) na kailangang operahan para maalis

Ano ang dapat kong asahan pagkatapos ng operasyon?

Malamang ay pauwiin ka rin sa mismong araw rin ng operasyon mo. Lalagyan ka ng bendahe sa iyong ulo o tainga, na puwedeng alisin pagkalipas ng 48 oras. Puwede nang bumalik ang karamihan ng mga tao sa kanilang trabaho o normal na routine sa loob ng humigit-kumulang 1 hanggang 2 linggo. Pero kung may mga nakakapagod na aktibidad o kailangang magbuhat ng mabigat sa iyong trabaho, posibleng kailanganin mong mas paghinga pa. Matutulungan ka ng iyong doktor na pagpasyahan kung kailan ka dapat bumalik sa trabaho.